काठमाडौं । राष्ट्रिय स्वतन्त्र पार्टी (रास्वपा)ले 'सहकारी तथा लघुवित्तीय संस्थाकाे संकट र समाधानका उपाय'बारे तयार पारेको प्रतिवेदन सरकारलाई बुझाउने भएको छ ।

रास्वपाका उपसभापति डा. स्वर्णिम वाग्लेकाे नेतृत्वमा तयार प्रतिवेदन भाेलि बिहान १०:१५ बजे प्रधानमन्त्री पुष्षकमल दाहाल 'प्रचण्ड'लाई बुझाउने तय भएकाे छ । रास्वपाको टोलीले बालुवाटार पुगेर प्रधानमन्त्रीलाई प्रतिवेदन बुझाउने छ ।

वाग्लेले सहकारी क्षेत्रमा देखिएको समस्यालाई समाधान गर्न केही समय नेपाल राष्ट्र बैंकले नियमन गर्नुपर्ने बताउँदै आएका छन् । ठूला सहकारीलाई राष्ट्र बैंकले तीन वर्षसम्म नियमन गर्नुपर्ने उनको तर्क छ ।

सरकारले आफैँले अध्ययन गरेर तयार पारेका रिपोर्टहरूको पालना नगरेको उनको भनाइ छ ।