काठमाडौं । नेपाली खेलकुदको प्रतिष्ठित अवार्ड एनएसजेएफ पल्सर स्पोर्ट्स अवार्ड २०७९ को वर्ष पुरुष खेलाडीको अवार्ड एथलेटिक्सका दीपक अधिकारीले जितेका छन् ।

आइतबार काठमाडौंस्थित याक एन्ड यतीमा भएको कार्यक्रमबाट अधिकारीले वर्ष–२०७९ को उत्कृष्ट खेलाडी चुनिएका हुन् ।

उत्कृष्ट वर्ष खेलाडी चुनिएका दीपकले एक थान पल्सर मोटरसाइकल जितेका छन् ।

तथ्यांकमा दीपक अधिकारी

– एसियाली क्रसकन्ट्री दौडमा दुई स्वर्ण, घरेलु प्रतियोगितामा चार स्वर्ण र एक रजत,

– १६औँ एसियाली क्रसकन्ट्रीमा पुरुष १० किमीमा स्वर्ण,

– १६औँ एसियाली क्रसकन्ट्रीमा पुरुष टिम इभेन्टमा स्वर्ण, 

– नवौँ राष्ट्रिय खेलकुदमा पुरुष १० किमीमा राष्ट्रिय कीर्तिमानसहित स्वर्ण,

– दोस्रो राइट ट प्रोटिन, प्रधानसेनापति कप र लुम्बिनी हाफ म्याराथनमा स्वर्ण,

– कान्तिपुर हाफ म्याराथनमा रजत ।