काठमाडौं । अख्तियार दुरुपयोग अनुसन्धान आयोगले सूचना प्रविधिसँग सम्बन्धित वस्तुको खरिदमा चरम भ्रष्टाचार भइरहेको बताएको छ ।

प्रविधिको विकास द्रुत गतिमा भइरहेको र यससँग खरिद वस्तु तथा सेवा भ्रष्टाचार संवेदनशील देखिएको भन्दै अख्तियारले सरकारलाई १० बुँदे सुझाव दिएको छ ।

बिहीबार अख्तियारले आयोग ऐन, २०४८ को दफा २८ (१) (ख) अनुसार सुझाव दिएको बताएको छ ।

अख्तियारले प्रधानमन्त्री तथा मन्त्रिपरिषद्का कार्यालयमार्फत सबै संघीय मन्त्रालय, निकाय र कार्यालयलाई सुझाव कार्यान्वयन गर्न अनुरोध गरेको छ ।

यस्तै, प्रदेश मन्त्रालय, कार्यालय र स्थानीय तहहरूलाई समेत यो सुझाव कार्यान्वयन गर्न आयोगले आग्रह गरेको छ ।

सुझावमा अख्तियारले सूचना प्रविधिसम्बन्धी प्रणालीको आवश्यकता विश्लेषण गरी राष्ट्रिय मापदण्ड तयार पार्न भनेको छ ।

नागरिकको व्यक्तिगत विवरण रहेको सिस्टममा वा प्रणालीमा सम्बन्धित निकायका आन्तरिक कर्मचारीलाई मात्रै पहुँच दिन समेत अख्तियारले सुझाव दिएको छ ।

आउटसोर्सिङ गरिएको प्रणालीमा पनि कम्पनीका कर्मचारीलाई कोर नेटवर्क र डाटाबेसको पहुँच नदिन आयोगको सुझाव छ ।

यस्तो छ अख्तियारको १० बुँदे सुझाव