site stats
बाह्रखरी :: Baahrakhari
प्रविधि
Nabil BankNabil Bank
रेड्मी नोट १३ सिरिज : यस्ता छन् २५ देखि ५३ हजारसम्मका ६ फोन
Sarbottam CementSarbottam Cement

काठमाडौं । शाओमीले नेपाली बजारमा रेड्मी नोट १३ सिरिज सार्वजनिक गरेको छ । कम्पनीले सोमबार काठमाडौंमा एक कार्यक्रमको आयोजना गर्दै रेड्मी नोट १३ सिरिज सार्वजनिक गरेको हो ।

कम्पनीले यस सिरिज अन्तर्गतका रेड्मी नोट १३ प्रो+ फाइभजी, रेड्मी नोट १३ प्रो,  रेड्मी नोट १३ नेपाल भित्र्याएको हो ।

यी तीनै मोडेलमा शक्तिशाली प्रोसेसर र उच्च –स्तरीय क्यामराको नयाँ अनुभव पाउने कम्पनीले जनाएको छ ।

Prabhu Bank
Agni Group
NIC Asia

रेड्मी १३ सिरिजमार्फत नयाँ स्टाइल, पर्फर्मेन्स र इनोभेसन प्रदान गर्दै शाओमीले नेपाली बजारमा उच्च गुणस्तरीय प्रविधि प्रदान गर्ने आफ्नो प्रतिबद्धतालाई निरन्तरता दिएको कम्पनीले जनाएको छ ।

शाओमी नेपालका कन्ट्री जनरल म्यानेजर मनु मनस्वीले स्मार्टफोनको बजारमा यो फोनले नयाँ स्ट्यान्टर्ड सेट गरेको बताएका छन् ।

Global Ime bank

रेड्मी नोट १३ प्रो+ फाइभजी डिजाइन 
रेड्मी नोट १३ प्रो+ फाइभजीमा स्टाइलिस  डिजाइन, ८.९ एमएम मोटाई र २०४.५ ग्राम तौल छ । फोनमा ६.६७ इन्चको क्रिस्टल रेस एमोलेड कर्भ १.५ के डिस्प्लेमा २७१२/१२२० को रिजोल्युसन र १२० हर्जको रिफ्रेस रेट रहेको कम्पनीले जनाएको छ । आईपी ६८ डस्ट र वाटर रेसिस्टेन्स रेटिङको रेड्मी नोट १३ प्रो+ फाइभ जी स्टाइलिससँगै टिकाउ रहेको कम्पनीको दाबी छ ।

पर्फर्मेन्स र क्यामेरा 
रेड्मी नोट १३ प्रो+ फाइभ जीमा रहेको मिडियाटेक डाइमेन्सिटी ७२०० अल्ट्रा चिपसेट र ४ एनएम अक्टा–कोर प्रोसेसर रहेको छ । यसले फास्ट पर्फर्मेन्स दिने बताइएको छ ।

रेड्मी नोट १३ प्रो+ फाइभ जीको मुख्य क्यामरा २०० मेगापिक्सेलको रहेको छ । फोनमा आठ मेगापिक्सेलको अल्ट्रा वाइड क्यामरा र दुई मेगापिक्सेलको म्याक्रो क्यामरा छ । 

१६ मेगापिक्सेलको फ्रन्ट क्यामेराले आकर्षक सेल्फी निकाल्ने ओआईएस, शाओमी प्रो कट र शाओमी इमेजिङ सिस्टमले मोबाइल फोटोग्राफीको परिभाषा नै परिवर्तन गर्ने कम्पनीको दाबी छ ।

Redmi-Note-13-Series-1707302644.jpeg
 

रेड्मी नोट १३ प्रो+ फाइभ जीमा ५००० एमएचको ब्याट्री रहेको छ । फानेमा १२० वाटको हाइपरचार्जरले तीव्र चार्जिङ हुने कम्पनीको भनाइ छ । डुअल स्टेरियो स्पिकर र डल्बी एटमससँगै फोनमा इन स्कृन फिङगर प्रिन्ट पनि छ ।  

रेड्मी नोट १३ प्रो स्टाइलिस एमोलेड डिस्प्ले
रेड्मी नोट १३ प्रोमा ७.९८ एमएमको स्लिम डिजाइन र १८८ ग्राम तौल छ । फोनमा ६.६७ इञ्चको एमोलेड डिस्प्ले, २४००/१८०० को रिजोल्युसन र स्विफ्ट १२० हर्ज रिफ्रेस रेट छ । आईपी ५४ डस्ट र स्प्ल्याश रेसिस्टेन्सको फोनमा कोर्निङ गोरिल्ला ग्लास छ ।

चिपसेट र क्यामेरा
रेड्मी नोट १३ प्रो मिडिया टेक हेलियो अल्ट्रा चिपसेट रहेको छ । एन्ड्रोइड १३ मा आधारित फोनमा एमआईयूआई १४ छ । 

फोनमा २०० मेगापिक्सेलको मुख्य क्यामेरा छ । यस्तै आठ एमपी अल्ट्रा–वाइड क्यामेरा, दुई एमपीको म्याक्रो क्यामेरा र १६ एमपीको सेल्फी क्यामेरा उपलब्ध छ ।

५००० एमएच ब्याट्री रहेको फोनसँगै ६७ वाट इन–द–बक्स टर्बो फास्ट चार्जर मिल्छ । यसमा पनि डुअल स्पिकर, डल्बी एटमसको तथा इन स्किृन फिंगर प्रिन्ट उपलब्ध छ । 

रेड्मी नोट १३ 
७.९७ स्लिम डिस्प्ले रहेको रेड्मी नोट १३ को तौल १८८.५ ग्राम छ । फोनमा ६.६७ इञ्चको एमोलेड डिस्प्ले, २४००८/१०८० को रिजोलुसन र स्मुथ १२० हर्जको रिफ्रेस रेट छ । रेड्मी नोट १३ आईपी ५४ डस्ट र स्प्ल्याश रेसिस्टेन्स छ ।

स्न्यापड्रागन चिपसेट र क्यामेरा
स्न्यापड्रागन ६८५ चिपसेट राखिएको रेड्मी नोट १३ मा एन्ड्रोइड १३ र एमआइयूआई १४ समावेश छ ।

फोनमा १०८ मेगापिक्सेलको मुख्य क्यामेरा छ । यस्तै, आठ एमपीको अल्ट्रा–वाइड क्यामेरा र दुई एमपीको म्याक्रो क्यामेरासँगै १६ एमपीको सेल्फी क्यामेरा छ ।

५००० एमएचको ब्याट्री रहेको फोनसँगै ३३ वाटको फास्ट चार्जर मिल्छ । डुअल स्पिकर, डल्बी एटमस र इन–स्क्रिन फिंगर प्रिन्ट सेन्सर सिरिजको बेस मोडलमा पनि उपलब्ध छ ।

मूल्य र अफर
सिरिजको सुरुआती फोन रेड्मी नोट १३ मिडनाइट ब्ल्याक, मिन्ट ग्रीन र आइस ब्लू कलरमा उपलब्ध छ । फोनको ६/१२८ जीबी भेरियन्टको मूल्य २४ हजार ९९९ रुपैयाँ र ८/२५६ जीबी भेरियन्टको मूल्य २७ हजार ९९९ रुपैयाँ छ ।

रेड्मी नोट १३ प्रो मिडनाइट ब्ल्याक, फरेस्ट ग्रीन र ल्याभेन्डर पर्पल कलरमा उपलब्ध छ । ८/२५६ जीबी भेरियन्टको मूल्य ३४ हजार ९९९ रुपैयाँ र १२/५१२ जीबी भेरियन्टको मूल्य ३९ हजार ९९९ रुपैयाँ छ ।

सिरिजको टप फोनका रुपमा रहेको रेड्मी नोट १३ प्रो+ फाइभ जी मिडनाइट ब्ल्याक, फरेस्ट ग्रीन र ल्याभेन्डर पर्पल कलरमा उपलब्ध छ । फोनको ८/२५६ जीबी भेरियन्टको मूल्य ४७ हजार ९९९ र १२/५१२ जीबी भेरियन्टको मूल्य ५२ हजार ९९९ रुपैयाँ छ ।

NIBLNIBL
प्रकाशित मिति: बुधबार, माघ २४, २०८०  १६:४८
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC