काठमाडौं । मृत भनिएकी भारतीय अभिनेत्री पुनम पाण्डे जिवितै रहेको बताइएको छ । उनी स्वयंले इन्स्टाग्राममा भिडियो सेयर गरेकी छन् । भिडियोमा उनले आफू बाचेकाे र क्यान्सरविरुद्ध लड्ने बताएकी छन् । यो खबर भारतीय सञ्चारमाध्यमहरूले पनि प्रकासन तथा प्रशारण गरेका छन् । 

पाण्डेले भिडियोको क्याप्सनमा लेखेकी छन्, “म तपाईंहरू सबैसँग एउटा महत्वपूर्ण कुरा सार्वजनिक गर्न चाहन्छु । म यहाँ छु, जीवित छु ।”

पाठेघरको मुखको क्यान्सरले उनको मृत्यु भएको भनिएकामा उनले भनेकी छन्, “दुःखको कुरा यो छ कि यो रोगसँग कसरी लड्ने भन्ने ज्ञानको अभावमा यसले हजारौँ महिलाको ज्यान लिएको छ । केही अन्य क्यान्सरहरूभन्दा फरक, पाठेघरको क्यान्सर पूर्ण रूपमा रोक्न सकिन्छ ।” 

उनले आफूले क्यान्सरबारे जनचेतना जगाउन मृत्युको भ्रम फैल्याएको बताएकी छन् ।