काठमाडौं । नेपाल मुक्तक प्रतिष्ठान, काठमाडौंले दुई पुरस्कार प्रदान गर्ने घोषणा गरेको छ ।
प्रतिष्ठानले जानकारी गराएअनुसार पाँच दशकअघिदेखि मुक्तक साहित्यमा कलम चलाउँदै आएका साहित्यकार सरुभक्त (कास्की)लाई ५१ हजार नगदसहित ‘भीमदर्शन मुक्तक पुरस्कार २०८०’ प्रदान गर्ने निर्णय गरेको छ ।
त्यस्तै, प्रतिष्ठानले २०७९ सालभरि प्रकाशित प्रतिष्ठानलाई प्राप्त नेपाली मुक्तककृतिहरूमध्ये उत्कृष्ट ठहरिएको मुक्तककृतिलाई अर्पण गरिने ३१ हजार रुपैयाँ राशिको ‘कृष्ण–रत्न–चेतन मुक्तक पुरस्कार’ अनुराधा ढकाल (चितवन)को मुक्तक संग्रह ‘आरब्ध’लाई प्रदान गर्ने निर्णय गरेको छ ।
दुवै पुरस्कार नेपाली आधुनिक मुक्तक साहित्यका प्रवर्तक भीमदर्शन रोका र कालजयी सष्टाहरू कृष्णप्रसाद पराजुली, रत्नशम्सेर थापा र चेतन कार्कीको सम्मानमा स्थापित पुरस्कारहरू हुन् ।
प्रतिष्ठानले संस्थाद्वारा प्रकाशित स्रष्टा रत्नशम्सेर थापाको पहिलो मुक्तककृति ‘शीतको रुनझुन’ समेत लोकार्पण गर्ने जनाएको छ । सो पुरस्कार माघ १८ गते समर्पण गरिने जनाइएको छ ।
