काठमाडौं । प्रहरीले भन्सार छलेर ल्याइएका गाडीहरू बरामद गरिएको जनाएको छ ।

प्रहरीका अनुसार अपरिचित व्यक्तिहरूले विभिन्न गाडी र मोटरसाइकल भन्सार छलेर चोरी पैठारी गरी नेपालमा ल्याएर काठमाडौंका विभिन्न स्थानमा वेबारिसे अवस्थामा छाडेको सूचना प्रहरीले पाएको थियो ।

त्यसपछि काठमाडौं उपत्यका अपराध अनुसन्धान कार्यालयबाट खटिएको टोलीले काठमाडौंका विभिन्न स्थानहरूबाट विभिन्न गाडी र मोटरसाइकलहरू बरामद गरेको हो ।

बरामद गरिएका सवारी साधन आवश्यक अनुसन्धान तथा कारबाहीका लागि त्रिभुवन विमानस्थल भन्सार कार्यालय गौचर पठाइएको प्रहरीले जनाएको छ ।

प्रहरीले भे १ च ३६९९ नम्बरको स्कर्पियो, डीएल ८ सीबीई ९४९८ नम्बरको क्रेटा,  वाग्मती प्रदेश ०१–०२४ च १२०४ नम्बरको ब्रेजा, यूपी २५ सीएस ४८४२ नम्बरको भेन्यू,  बा १६ च ४०८५ नम्बरको क्रेटा, वाग्मती प्रदेश ०१–०२८ च ०५५८ नम्बरको ब्रेजा, वाग्मती प्रदेश ०१–०२७ च १३८७ नम्बरको ब्रेजा, वाग्मती प्रदेश ०२–०१२ प १११७ नम्बरको रोयल इन्फिल्ड मोटरसाइकल बरामद गरेको हो ।