काठमाडौं । नेपाली कांग्रेसका नेता कृष्णप्रसाद सिटौलाले राष्ट्रियसभा उमेदवार छनोट प्रक्रियामा भएका कमजोरीलाई थाती राखेर गठबन्धनका उमेदवार जिताउनुपर्ने बताएका छन् ।
सोमबार राष्ट्रियसभा चुनावका लागि कोसी प्रदेशमा मनोनयन दर्ता गर्दै उनले कांग्रेसले राष्ट्रियसभा उमेदवार छनोट गरेकोबारे आफूलाई पूरा जानकारी नरहेको र अब सबै एकजुट भएर गठबन्धन उमेदवार जिताउन लाग्नुपर्ने बताए ।
"राति अबेर निर्णय भयो । कसरी भयो थाहा छैन । मैले सही कुरा बुझ्न पाएको छैन । आजको दिनमा गठबन्धनबाट नेपाली कांग्रेसहित गठबन्धनका साथीहरूले एकजुट भएर उमेदवारी दर्ता गराएका छौँ । हामी गठबन्धन एक भएर निर्वाचनमा लड्छौँ । उमेदवार छनोट गर्दा निर्णय प्रक्रियामा जे जति भएका छन्, त्यसलाई थाती राखेर गठबन्धनका उमेदवार जिताउन लाग्ने छौँ," उनले भने ।
सिटौलाको प्रस्तावका प्रदीप सुनुवार र समर्थकमा हिमाल कार्की छन् ।
