site stats
बाह्रखरी :: Baahrakhari
खेल
Global Ime bankGlobal Ime bank
भियारियालविरुद्ध भ्यालेन्सियाको जित 

काठमाडौं । स्पेनिस ला लिगामा भियारियालविरुद्ध भ्यालेन्सियाले ३–१ को जित निकालेको छ । 

मंगलबार राति घरेलु मैदान मेस्टाला रंगशालामा भएको खेलमा भ्यालेन्सियालाई जित दिलाउन पेपेलुले दुई गोल गर्दा रोमा यारेमचुकले एक गोल थपे । भियारियालका जेरार्ड मोरेनोले एक गोल फर्काएका थिए ।

खेलको चौथो मिनेटमा यारेमचुकले गोल गर्दै घरेलु टिमलाई अग्रता दिलाएका थिए । २७औं मिनेटमा पेपेलुले गोल गर्दै भ्यालेन्सियाको अग्रता दोब्बर पारे । 

५७औं मिनेटमा पेपेलुले दोस्रो गोल गरेपछि घरेलु टिमले अग्रतालाई ३–० मा पुर्याएको थियो । ७४औं मिनेटमा भियारियालका मोरेनोले गोल गर्दै अग्रतालाई ३–१ मा झारे पनि टिमको हार टार्न भने सकेनन् ।

जितसँगै १९ खेलबाट २६ अंक जोडेको भ्यालेन्सिया तालिकाको नवौं स्थानमा उक्लिएको छ । जारी सिजनमा भ्यालेन्सियाको यो सातौं जित हो । समान खेलबाट १९ अंक जोडेको भियारियाल तालिकाको १३औं स्थानमा छ ।

लिगमा मंगलबार राति नै भएको अर्को खेलमा रियाल सोसिडाड र डिर्पोटिभो आल्भेसले १–१ को बराबरी खेल्दै अंक बाँडेका छन् ।

प्रकाशित मिति: बुधबार, पुस १८, २०८०  १०:०२
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro