काठमाडौं । नेकपा (एमाले)का अध्यक्ष केपी शर्मा ओलीले नेपालले निर्वाध रूपमा विकास गर्नु पाउनुपर्ने बताएका छन् । आइतबार च्यासलमा आयोजित पत्रकार सम्मेलनमा उनले छिमेकीको अवरोध हुन नहुने बताए । 

“हाम्रो विकास हामीले निर्वाध ढंगले गर्न पाउनुपर्छ । कालो बिरालोले होस् कि सेतो बिरालोले होस् विकास गर्नुपर्छ,” ओलीले भने । 

ओलीले छिमेकीसँग सुमधुर सम्बन्ध राख्नुपर्ने पनि बताए । तर, प्राथमिकता र आवश्यकताका आधारमा अघि बढ्नुपर्ने उनको भनाइ छ । 

“भारतले सहयोग गरोस् कि चीनले गरोस् । अमेरिकाले गरोस् कि राम्ररी नेपाललाई हित हुने, नेपालका प्राथमिकता, आवश्यकता,” उनले भने, “जसले बढी ऋण लिन्छ त्यो दिने । जसले बढी अनुदान दिन्छ त्यो लिने ।” 

ओलीले छिमेकीले चित्त दुखाउँछ कि दुखाउँदैन भनेर सत्ता केन्द्रित भएर हेर्ननहुने बताए । “छिमेकीले चित्त दुखाउँ कि दुखाउँदैन भनेर पहिले नै डराउनुहुँदैन । सार्वभौम सम्पन्न स्वतन्त्र राष्ट्र हो,” ओलीले भने ।