site stats
बाह्रखरी :: Baahrakhari
राजनीति
Global Ime bankGlobal Ime bank
गठबन्धनको कतिपय बाध्यताले सोचेजस्तो काम गर्न सकिएन : प्रधानमन्त्री

विराटनगर । प्रधानमन्त्री पुष्पकमल दाहाल 'प्रचण्ड'ले सरकार असफल नबनेको भन्दै गठबन्धनको सीमा र परिस्थितिका कारण सोचेजस्तो काम गर्न नसकेको बताएका छन् ।

विराटनगर विमानस्थलमा पत्रकारहरूसँग कुराकानी गर्दै प्रधानमन्त्री प्रचण्डले भने, “जति हुनुपर्ने काम नभएका होलान् तर गठबन्धनमा भएकाले सोचेजस्तो काम हुन सकेको छैन । तर सामाजिक न्याय, सुशासन र विकासका क्षेत्रमा काम भएका छन् ।”

प्रचण्डले मिडियाले पूरै विषय नबुझी लेखिदिएर कतिपय भ्रम सिर्जना भएको दाबी गरे ।

सामाजिक न्याय, मिटरब्याजपीडितका मुद्दा सम्बोधन गर्ने, नागरिकता समस्याको समाधान तथा भ्रष्टाचारविरुद्ध सुशासनको पक्षमा ऐतिहासिक काम भएको बताए ।

भने, “अन्तर्राष्ट्रिय  सम्बन्ध विस्तारमा पनि सरकार सफल भएको छ ।” आफूले सामूहिक रुपले मन्त्रालयको बिफ्रिङ लिइरहेको भन्दै अब नयाँ ढंगले अघि बढ्ने सुनाए । ‘अब टार्गेट दिइन्छ । त्योअनुसार भएन भने सोच्नुपर्छ,’ उनले भने ।

एनसेल प्रकरणमा पर्याप्त तथ्य तथ्यांकसहित आफूले संसदीय समितिमा कुरा राखिसकेको भन्दै विधि, विधान र कानुनभन्दामाथि कसैलाई पनि नदिइने र नहुने बताए । यसबारे धेरै भ्रम सिर्जना गर्ने षड्यन्त्र गरिए त्यो असफल हुने बताए । नेकपा माओवादीको नाम यथावत् भन्दा पनि अब समाजवादी केन्द्र हुन सक्ने सुनाए । संविधानले पनि समाजवाद भनेकोले समाजवादको भाव आउने उनको भनाइ थियो ।

प्रकाशित मिति: बिहीबार, पुस ५, २०८०  १९:५५
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Hamro patroHamro patro