साहित्य
![शाक्यको ‘म सडकको प्रतिविम्ब’ सार्वजनिक](https://12khari.top/uploads/posts/Shakya-book-bimochan-1702280265.jpg)
काठमाडौं । कवि प्रदीपरत्न शाक्यको कविताकृति ‘म सडकको प्रतिविम्ब’ लोकार्पण गरिएको छ । कवि तुलसी दिवसले लोकार्पण गरेका हुन् ।
काठमाडौंमा आयोजित कार्यक्रममा कृति सार्वजनिक गर्दै कवि दिवसले कृतिभित्रका कवितामा कवि शाक्यको अनुभूति र भावना फरक रूपमा आएको उल्लेख गरे । कृतिमाथि कथाकार धु्रव मधिकर्मीले समीक्षात्मक मन्तव्य दिएका थिए ।
कार्यक्रममा कृतिकार शाक्यलगायत गोविन्दप्रसाद वेदमणि, भगतदास श्रेष्ठ, नरेशवीर शाक्य, नारद बज्राचार्य, विमल अर्याल र परशुराम पराशरले कृतिमाथि बोलेका थिए ।
नेपाली र नेपालभाषामा समेत कविता लेख्दै आएका शाक्यको यस कृतिमा ७६ वटा कविता समावेश छन् ।
प्रकाशित मिति: सोमबार, मंसिर २५, २०८० १३:२३
प्रतिक्रिया दिनुहोस्