![एनसेलवाला कुरा बुझेको छैन, मन्त्री परिवर्तन हल्लामात्रै : प्रधानमन्त्री](https://12khari.top/uploads/posts/efg-1701608760.jpg)
काठमाडौं । प्रधानमन्त्री पुष्पकमल दाहाल प्रचण्डले अहिले मन्त्री परिवर्तनको हल्लामात्रै भएको बताएका छन् । उनले सरकार बनेदेखि नै यस्ता हल्ला भएको र गृहमन्त्री परिवर्तनको कुरा हल्लामात्रै भएको बताएका थिए ।
कोप सम्मेलनबाट फर्किने बेलामा उनले यस्तो बताएका हुन् ।
“सरकार गठन भएका बेलादेखि नै मन्त्रिपरिषद् पुनर्गठन भन्ने हल्ला धेरै भयो,” उनले भने, “गठबन्धनभित्र सोचिएको पनि छैन । सरकार गठन भएदेखि नै गृहमन्त्री परिवर्तन भन्ने कुरा भएको थियो, त्यस्तो होइन, मेरो दिमागमै छैन मन्त्री परिवर्तन गर्ने कुरा ।”
उनले एनसेल खरिदबिक्रीका सम्बन्धमा आफूले कुरा नबुझेको र बुझेपछि जानकारी गराउने बताए ।
“एनसेलवाला कुरा बुझेको छैन । बुझेपछि भनौंला,” उनले भने ।
उनले आफू दुई घण्टाअघि दुवई जाँदा ३१ नेपाली छुटेको सम्बन्धमा दुःख लागेको बताउँदै भने, “छुट्ने जानकारी पाएको भए म दुई घण्टा अघि जाने थिइनँ ।”