काठमाडौं । स्वतन्त्र सांसद डा. अमरेशकुमार सिंहले आफूमाथि आक्रमणको प्रयास भएको बताएका छन् । सामाजिक सञ्जालमार्फत उनले आफूमाथि मंगलबार बिहान सर्लाहीको बलराबाट सिमरा विमानस्थल जानेक्रममा केही व्यक्तिहरूको समूहले आक्रमणको प्रयास गरेको बताएका छन् । 

उनले नाम नै तोकेर आफूमाथि मुन्ना भनिने सुधिर सिंहले बा १७ च ९६३२ नम्बरको गाडीबाट आक्रमणको प्रयास गरेको बताएका छन् ।

"आज आफ्नो गृह निवास बलराबाट एअरपोर्टतर्फ बढ्दै गर्दा सुधिर सिंह उर्फ मुन्ना भन्ने व्यक्तिले बा. १७ च ९६३२ नम्बर को गाडी मा ५–६ जनाको समूहमा गुन्डागर्दी शैलीमा मेरो गाडीलाई ओभरटेक गर्दै गालीगलौज र गाडीलाई ठक्कर दिने काम गरेकाले यथाशीघ्र यस्ता अपराधीलाई कानुनी कारबाही गर्न गृह प्रशासनसँग माग गर्दछु," उनले फेसबुकमा भनेका छन् ।