काठमाडौं । प्रधानमन्त्री पुष्पकमल दाहाल प्रचण्डले आगामी ६ गतेका लागि सर्वदलीय बैठक आह्वान गरेका छन् । आर्थिक क्षेत्रमा देखिएका समस्या समाधानका लागि सबै दलको सुझाव लिन प्रधानमन्त्री दाहालले सर्वदलीय बैठक आह्वान गरेका हुन् ।

अर्थतन्त्रका सूचकहरु सकारात्मक भए पनि आर्थतन्त्र चलायमान हुन नसकेको अवस्थामा कसरी अघि बढ्ने भन्ने समझदारी निर्माणका लागि प्रधानमन्त्रीले बैठक आह्वान गरेका हुन् । प्रधानमन्त्री दाहालले त्यसकै तयारीका लागि सोमबार आर्थिक क्षेत्रका निकायका प्रतिनिधिहरुको बैठक डाकेका छन् ।

प्रधानमन्त्रीले आन्तरिक अवस्थाका विषयमा जानकारी र सर्वदलीय बैठकमा राख्ने विषयको तयारीका लागि सोमबार ४ः३० बजे आन्तरिक छलफल राखेका हुन् । प्रधानमन्त्री दाहालले अर्थमन्त्री, अर्थ सचिव, राजस्व सचिव, राष्ट्र बैंकका प्रतिनिधिसहितको बैठक डाकेका हुन् ।

“आजको बैठक आन्तरिक छलफलका लागि मात्र हो, यसले अर्थतन्त्रको वास्तविक अवस्थाको बारेमा जानकारी लिन र सुधारका योजना बनाउन मात्र काम गर्नेछ,” प्रधानमन्त्रीको सचिवालयका एक सदस्यले भने, “आगामी ५ गते सर्वदलीय बैठक बस्नेछ । त्यो बैठकमा आन्तरिक अवस्थाको ब्रिफिङका साथै सरकारका योजनामा राजनीतिक दलको सुझाव मागिने छ ।”