विराटनगर । तराई–मधेस क्षेत्रमा विशेष महत्त्वसाथ छठ पर्व मनाइँदै छ । कोसी प्रदेशको राजधानी विराटनगरमा छठ पूजाको तयारी पूरा गरिएको छ ।

यहाँका नदी, तलाउ, पोखरी र सिँचाइ नहरमा छठघाट तयार गरिएको छ । पूजास्थलको सजावटदेखि त्यहाँसम्म पुग्ने अस्थायी बाटो समेत निर्माण गरिएको छ ।

विराटनगरको पूर्वीभेगमा अवस्थित सिंघिया नदीमा पूजास्थल तयार गरिएको छ । सिंघिया किनारमा अवस्थित हाटखोला, घिनाहाघाट, महेशपुरलगायत क्षेत्रमा पूजास्थल सजावट गरिएको छठ आयोजक मूल समितिले जनाएको छ ।

यस्तै, विराटनगर पश्चिममा कोसी सिँचाइ नहर र केशलिया नदीमा समेत घाट सजावट गरिएको छ ।

आज बेलुका अस्ताउँदो सूर्यलाई अर्घ्य दिएर छठीमाताको पूजा–आराधना गरिन्छ । भोलि बिहान उदाउँदो सूर्यलाई अर्घ्य दिएपछि चारदिने छठ पर्व सम्पन्न हुन्छ ।

थप तस्बिर हेर्नोस्–