site stats
बाह्रखरी :: Baahrakhari
देश
Global Ime bankGlobal Ime bank
बैतडीमा जीप दुर्घटना हुँदा एकजनाको मृत्यु, पाँच घाइते
तस्बिर : विनोदसिंह विष्ट/रासस ।

बैतडी । बैतडीको दोगडाकेदारमा जीप दुर्घटना हुँदा एकजनाको मृत्यु भएको छ । मृत्यु हुनेमा दोगडाकेदार गाउँपालिका–८, कालागाउँका ३५ वर्षीय अम्मर विष्ट रहेका खोचलेक प्रहरीचौकीका इन्चार्ज नवलसिंह भाटले जानकारी दिए ।

विष्टको घटनास्थलमै मृत्यु भएको थियो । कालागाउँबाट सिल्लेगडातर्फ आउँदै गरेको से१ज ६०३ नम्बरको जीप शनिबार दोगडाकेदार–३, घोडेधारनजिकै दुर्घटनामा परेको हो ।

कच्ची सडक र उकालो नचढ्दा जीप ‘ब्याक’ भएर दुर्घटनामा परेको त्यसमा सवार लोकबहादुर विष्टले बताए ।

यस्तै, कालागाउँकै ३० वर्षीया कलावती विष्ट, सोही ठाउँका ४५ वर्षीया हिरा विष्ट, चार वर्षीय रियाग विष्ट, सात वर्षीया सुशीला विष्ट र ६० वर्षीय पद्म विष्ट घाइते भएका छन् ।

घाइतेमध्ये कलावती र हिराको अवस्था गम्भीर रहेको बैतडीका प्रहरी प्रमुख एवं प्रहरी नायब उपरीक्षक दीपक गिरीले जानकारी दिए ।

गम्भीर घाइतेलाई उपचारका निम्ति जिल्ला अस्पतालमा पठाइएको छ । अरू घाइतेको स्थानीय मेडिकलमा उपचार भइरहेको छ । घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ । रासस

प्रकाशित मिति: शनिबार, मंसिर २, २०८०  १५:१८
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro