![ग्लोबल साउथ समिटमा प्रचण्डको सम्बोधन : जलवायु परिवर्तन जीविकोपार्जनमा गम्भीर खतरा](https://12khari.top/uploads/posts/PM-Speech-1700232069.jpg)
काठमाडौं । प्रधानमन्त्री पुष्पकमल दाहाल प्रचण्डले जलवायु परिवर्तन मानवताका लागि गम्भीर खतरा बनेको बताएका छन् । ग्लोबल साउथ समिटमा सम्बोधन गर्दै उनले नेपालजस्ता जलवायु संवेदनशील मुलुकले जलवायु परिवर्तनको भार झेलिरहेका बताए ।
“हिमालयमा जलवायु परिवर्तनको प्रभावले हाम्रो क्षेत्रमा बसोबास गर्ने लाखौँ मानिसहरूको जीवन र जीविकोपार्जनमा गम्भीर खतरा खडा गरेको छ,” उनले भने, “निर्धारित महत्वाकांक्षालाई समयसीमामा पूरा गर्न हामी सबै प्रतिबद्ध हुनुपर्छ ।”
पेरिस सम्झौताको प्रभावकारी कार्यान्वयनमा पूर्ण प्रतिबद्धताका साथ नेपालले प्राकृतिक स्रोतको संरक्षण र दिगो व्यवस्थापन, प्रभावकारी अनुकूलन र न्यूनीकरणका उपायहरू अवलम्बन गर्ने र हरितको प्रवर्द्धनमार्फत सन् २०४५ सम्ममा शुद्ध शून्य उत्सर्जनमा पुग्ने लक्ष्य राखेको उनले प्रष्ट पारे ।
उनले ‘ग्लोबल साउथः टुगेदर फर वन फ्यूचर’ विषयवस्तुमा आधारित भ्वाइस अफ द ग्लोबल साउथको यो महत्वपूर्ण दोस्रो शिखर सम्मेलनमा सहभागी हुन आमन्त्रित गरेकोमा भारतीय प्रधानमन्त्री नरेन्द्र मोदीलाई धन्यवाद दिए ।