काठमाडौं । भीजी फाउन्डेसनले भूकम्पपीडितका लागि नगद तथा कम्बल वितरण गरेको छ ।  

उपप्रधानमन्त्री एवम् गृहमन्त्री नारायणकाजी श्रेष्ठमार्फत प्रधानमन्त्री दैवी प्रकोप उद्धार कोषमा २१ लाख रुपैयाँ हस्तान्तरण गरेको हो ।

फाउन्डेसनका अध्यक्ष अशोक अग्रवालले शुक्रबार गृह मन्त्रालयमै आएर उक्त सहयोगको चेक उपप्रधानमन्त्री श्रेष्ठलाई हस्तान्तरण गरेका हुन् ।

त्यसैगरी भूकम्पपीडितका लागि २०० कार्टुन बिस्कुट र २०० सय कार्टुन कन्फेल्क्सन पनि नेपाल पठाएको फाउन्डेसनका अध्यक्ष अशोक अग्रवालले बताए । 

त्यससँगै प्रभावित प्रदेशसम्म आफैँ ढुवानी गर्नेगरी फाउन्डेसनले पाँच सय थान कम्बल समेत सहयोग गरेको छ । उपप्रधानमन्त्री श्रेष्ठलाई कम्बलका नमुना हस्तान्तरण गरिएको थियो । फाउन्डेसनले ट्रकमा लोड गरेर आजै सुर्खेत पुग्नेगरी कम्बल पठाइसकिएको जानकारी दिएको छ ।