काठमाडौं । डेढ घण्टाको अवधिमा जाजरकोट भूकम्पका ६ परकम्प मापन गरिएको छ ।

शुक्रबारको भूकम्पयता आइतबार अपराह्न ४:१० बजेसम्म ३३९ परकम्प मापन गरिएको थियो । त्यसपछि अपराह्न ५:३५ बजेसम्म थप ६ परकम्प मापन गरिएको राष्ट्रिय भूकम्प मापन तथा अनुसन्धान केन्द्रका भूगर्भविद् चिन्तन तिम्सिनाले जानकारी दिएका छन् ।

शुक्रबारयता आइतबार अपराह्न ५:३५ बजेसम्म कुल ३४५ परकम्प मापन गरिएको छ ।

शुक्रबार राति ११ बजेर ४७ मिनेटमा जाजरकोटको रामीडाँडा आसपास केन्द्रविन्दु भएर ६.४ म्याग्निच्युडको भूकम्पबाट ठूलो जनधनको क्षति भएको छ ।