काठमाडौं । रामेछापको मन्थली विमानस्थलमा दुई पाइलटबीच झगडा भएको छ ।

आज (शुक्रबार) बिहान तारा एयरका दुई पाइलटबीच एप्रोनमै विवाद भएको नेपाल नागरिक उड्डयन प्राधिकरण (क्यान)ले जनाएको छ । 

झगडाको कारण भने खुलेको छैन । प्राधिकरणले झगडा गर्ने दुई पाइलटलाई उडानमा प्रतिबन्ध गरिएको क्यानका सहप्रवक्ता ज्ञानेन्द्र भुलले जानकारी दिए । 

दुई पाइलटलाई उडानमा प्रतिबन्ध गरिएको र घटनाको कारणबारे अनुसन्धानगरिएको भुलले बताए । 

“दुई क्याप्टेनबीच सामान्य विवाद भएको रहेछ । क्यानले ती पाइलटलाई उडानमा प्रतिबन्ध गरिसकेको छ । यसरी झगडा गर्नु राम्रो होइन । ‘के कारण झगडा भएको हो ?’ भन्ने विषयमा क्यानले पाइलट र कम्पनीसँग स्पष्टीकरण सोध्छ,” भुलले भने ।