खेल
काठमाडौं । आईसीसी ट्वान्टी–२० विश्वकप एसिया छनोटमा मलेसियाविरुद्ध नेपाललाई कप्तान रोहितकुमार पौडेलले चौथो सफलता दिलाएका छन् ।
कीर्तिपुरस्थित त्रिवि क्रिकेट मैदानमा जारी खेलमा टस जितेर ब्याटिङमा आएको मलेसियाका सर्विन मुनियन्दीलाई रोहितले ‘कट एन्ड बोल्ड’ गरे । मुनियन्दीले मलेसियाको खातामा १३ रन थपे ।
जारी खेलको १४ ओभर समाप्त हुँदा मलेसियाले चार विकेट गुमाएर ११९ रन बनाएको छ ।
नेपाल आज लगातार दोस्रो जितको खोजीमा छ । यसअघि, नेपालले प्रतियोगिताको पहिलो खेलमा सोमबार सिंगापुरविरुद्ध आठ विकेटको सहज जित निकालेको थियो ।
मलेसिया भने पहिलो जितको खोजीमा छ । मलेसिया यसअघि पहिलो खेलमा ओमानसँग ३२ रनले पराजित भएको थियो ।
प्रकाशित मिति: मंगलबार, कात्तिक १४, २०८० १४:२३
प्रतिक्रिया दिनुहोस्