काठमाडौं । मानुयल लोकाटेलीको निर्णायक गोलप्रेरित  खेलमा युभेन्ट्सले इटालिन सिरी 'ए' मा एसी मिलानविरुद्ध १-० को जित निकालेको छ ।

सोमबार सान सिरोमा भएको खेलमा घरेलु टोलीले १० खेलाडीमा सीमित बन्दै खेलको अन्त्य गरेको थियो । खेलको ४०औं मिनेटमा मलिक थिआवले रातो कार्डको दर्शन गर्दै मैदानबाट बाहिरिएका थिए ।

खेलको ६३औं मिनेटमा मानुअल लोकाटेलीले गोल गर्दै युभेन्ट्सलाई तीन अंक दिलाएका हुन् । 

जितसँगै नौ खेलबाट २० अंक जोडेको युभेन्ट्स तालिकाको तेस्रो स्थानमा उक्लिएको छ । युभेन्ट्ससँगको हारले शीर्ष स्थानमा उक्लिने अवसर गुमाएको एसी मिलान नौ खेलबाट २१ अंकसहित दोस्रो स्थानमा छ । 

सिरी 'ए' को शीर्ष स्थानमा आसिन इन्टर मिलानले नौ खेलबाट २२ अंक जोडेको छ ।