काठमाडौं । फूलपातीको दिनमा दसैँका लागि काठमाडौं उपत्यका छाडेर घर जानेको संख्या बढेको छ । फूलपातीदेखि सार्वजनिक बिदा सुरु भएपछि घर जानेको संख्या बढेको हो ।

काठमाडौंको कोटेश्वर, कलङ्की, बालाजु, बल्खुलगायतका ठाउँमा घर फर्कने यात्रुको घुइँचो लागेको छ । घर जानेको संख्या बढेसँगै नाकाहरुमा सवारीसाधनको पनि जाम लागेको थियो ।

ट्राफिक प्रहरीका अनुसार शनिबार मात्रै एक लाखको हाराहारीमा सर्वसाधारणले उपत्यका छाडेका छन् ।