site stats
बाह्रखरी :: Baahrakhari
कला
Nabil BankNabil Bank
पटकपटक भारत पुगेर स्वर परीक्षण गर्दै मेनुका
Sarbottam CementSarbottam Cement

०७५ कात्तिकको पहिलो शनिबार गायिका मेनुका पौडेलको स्वरको भारतीय संगीत क्षेत्रमा खुबै चर्चा भयो । भारतका मूर्धन्य संगीतिज्ञहरूले मेनुकाको खुलेर प्रशंसा मात्र गरेनन्, आफूहरू नतमस्तक भएको पनि बताए ।

प्लेटफर्म थियो, भारतीय सांगीतिक गायन प्रतियोगिता ‘सारेगमप’ । त्यसमा नेपाली गायिका मेनुकाले भाग लिएकी थिइन् । जहाँ उनले आफ्नो स्वरको जादु छरिन् । संगीतकार शेखर रबजानी, सोना मोहपत्रा र वाजिद खानले मेनुकाको स्वरको मुक्तकण्ठले प्रशंसा गरे । उनीहरूले मेनुकाको स्वरको तारिफ मात्र गरेनन्, उनको स्वरको जज गर्ने ‘हैसियत’ आफूहरूसँग नभएको बताए । निर्णायक शेखरले भनेका थिए, “तिम्रो गायनको जज गर्ने मेरो कुनै औकात छैन ।”

मेनुकाले त्यति बेला लता मंगेशकरको ‘जाने क्या बात है...’ बोलको गीत गाएकी थिइन् । उनले गीत गाउँदा शोमा उपस्थित निर्णायकसँगै जुरी मेम्बरले आँसु झारे । जज र उपस्थित सबैले ‘स्ट्यान्डिङ अभेसयन’ नै दिएका थिए ।

Prabhu Bank
Agni Group
NIC Asia

नेपालमा पहिलोपटक अडिसन लिइएको गायन रियालिटी शो हो, सारेगमप । मेनुका अडिसन राउन्डबाट छनोट भएकी थिइन् । छैटौँपटकसम्म प्रस्तुति दिएकी उनी टप ११ बाट बाहिरिएकी थिइन् ।

उनै मेनुका फेरि एकपटक आफ्नो स्वरको परीक्षण गर्न भारत पुगेकी छन् । यसका लागि ‘इन्डियन आइडल’को प्लेटफर्म रोजिन् । त्यहाँ अडिसन राउन्ड थियो । उनलाई कसैले मञ्चमा लगिदियो । सहयोगीले मञ्चमा पुर्‍याइदिँदै गर्दा उनी सुरुमा आलाप लिन्छिन् र हल्का गीत उठाउन खोज्छिन् ।

Global Ime bank

निर्णायकले बोलेको सुनिन्छ– के भयो ? निर्णायकमध्येकै श्रेया घोषाल भन्छिन्– अच्छा, उनी स्वर मिलाइरहेकी छन् ।

मेनुका माइकमा हाई र लो स्केल चेक गर्छिन् ।

निर्णायक कुमार सानु भन्छन्– साउन्ड चेक गरिरहेकी छन् । श्रेया थप्छिन्– बाँकी अरूले पनि यसैगरी साउन्ड चेक गर्नुपर्छ ।

त्यसपछि ट्रयाक सुरु हुन्छ । मेनुकाको स्वर पनि गुन्जिन थाल्छ – सुर र तालसँगै, ‘तुम्हारे बिना हमारे कोनो नही...।

स्टेजमा जब मेनुकाको स्वरको जादु चल्छ, निर्णायकका आँखामा आँसु रोकिँदैन । मुख छोपेर उनीहरू बसिरहन्छन् । श्रेया हुँक्कहुँक्क रुन थाल्छिन् । मेनुकाले गीत गाएर सकाउँछिन् । तर, उनीहरू बोल्दैनन् । माहोल नै शान्त हुन्छ ।

विशाल ददलानी ताली बजाउँदै उठ्छन् । उनीसँगै कुमार सानु उसैगरी उठ्छन् । बीचमा बसेकी श्रेष पनि उठ्छिन् । मेनुकाको मुहारमा मुस्कान देखिन्छ । तर, कोही बोल्दैन । अन्ततः मौनता चिर्दै रुँदै श्रेया बोल्छिन्– माई प्लेजर !

विशालबाट मेनुकाको प्रशंसा गर्न सुरु हुन्छ । उनी भन्छन्– म संगीतलाई जे भनेर बुझ्छु, त्यो तिमी हौ ।

उनलाई पछ्याउँदै बाँकी दुईजनाले पनि प्रशंसा गर्छन् । श्रेयाले इन्डियन आइडलको मञ्चमा ‘यसरी दिलबाट सच्चा सुर आजसम्म कसैले नलगाएको’ बताउँछिन् । मेनुकाले गर्दा ‘इन्डियन आइडलको स्टेज र आफू पनि धन्य भएको’ उनी बताउँछिन् । त्यसपछि तीनैजना मञ्चमा उक्लिन्छन् र मेनुकालाई गोल्डेन माइक दिन्छन् ।

निर्णायकको मन जितेकी उनको अहिले चौतर्फी प्रशंसा भइरहेको छ । जसरी उनले सारेगमपमा सहभागी भएर प्रशंसा बटुलेकी थिइन्, त्यसैगरी अहिले स्रोतादर्शकको मन जितिरहेकी छन् । 

झापामा जन्मिएकी मेनुकाले यसअघि ‘नेपाल आइडल’मा पनि भाग लिएकी थिइन् । उनी नेपाल आइडल सिजन वानमा टप ११ बाट बाहिरिएकी थिइन् । भोटिङ राउन्डमा पुगेपछि उनी बाहिरिएकी थिइन् ।

उनले नेपाल आइडलको मञ्चलाई छोड्दै गर्दा भनेकी थिइन्, “म्युजिक भनेको मानिसले आँखाले देख्ने कुरा होइन, यसलाई मस्तिष्क र मनबाटै लिनुपर्छ ।”

उनका यही कुरा इन्डियन आइडलमा विशालले मेनुकाको प्रशंसा गर्दै भने– म संगीतलानई जे भनेर बुझ्छु, त्यो तिमी हौ । श्रेयाले भनिन्– तिमीले दिलबाट गायौ ।  

उनी सेतो छडीको सहारामा नेपाल आइडलको मञ्चमा पुगेकी थिइन् । त्यही सेतो छडीकै सहारामा नेपाल आइडलबाट बिदा भएकी थिइन् । उत्कृष्ट ११ मा पुग्दा उनले प्रतिस्पर्धीमध्ये सबैभन्दा कम भोट पाएकी थिइन् ।

‘तिम्रोजस्तो मुटु मेरो पनि...’ बोलको गीत गाएर मेनुका नेपाल आइडलबाट बिदा भइन् । तर, उनी हारिनन् । साधना गर्ने र यही नै शक्ति हो भन्नेहरू हार्दैनन् । नेपाल आइडलबाट बाहिरिएकी उनी थाकिनन् । थुप्रै गीत रेकर्ड गरिन् । केही एक्लै र अग्रजहरूसँग ।

त्यही समय उनले भारतीय सिंगिङ रियालिटी शोमध्येकै प्रतिष्ठित मानिने सारेगमपमा जाने तयारी थालिन् । कोलकाता वा मुम्बईबाट अडिसन दिने मेनुकाको तयारी थियो । तर, पहिलोपटक नेपालबाटै अडिसन दिन पाइने भएपछि उनलाई थप सहज भयो । प्रि–अडिसनका निम्ति भिडियो पठाइन् ।

लेभल वानको अडिसनमा मेनुका छनोट भइन् । लेभल टुको अडिसन लिन सारेगमपको टोली काठमाडौं नै आयो । काठमाडौं अडिसन पार गरेपछि उनलाई लेभल थ्रीको अडिसनका निम्ति कोलकाता बोलाइयो । त्यो अडिसनबाट पनि ग्रीन कार्ड पाएपछि मेनुकालाई अन्ततः दर्शकले जी टीभीमा हेर्नसुन्न पाएका थिए ।

उनले ‘सारेगमप लिटिल च्याम्प्स नेपाल’को ग्रान्ड जुरीको समूहमा रहेर पनि आफ्नो भूमिका निर्वाह गरिन् । तिनै मेनुका फेरि एकपटक स्वरको जादु सुनाउन इन्डियन आइडलमा पुगेकी छन् ।

NIBLNIBL
प्रकाशित मिति: शनिबार, असोज २७, २०८०  ०७:१०
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement