काठमाडौं । नेपाल दूरसञ्चार प्राधिकरणका अध्यक्ष पुरुषोत्तम खनालले टेरामक्सले फोन कल रेकर्ड नगर्ने र एसएमएस पनि पढ्न नसक्ने बताएका छन् ।  

प्राधिकरणले सञ्चालनमा ल्याउन खोजेको टेलिकम्युनिकेसन ट्राफिक मनिटरिङ एन्ड फ्रड कन्ट्रोल सिस्टम अर्थात् टेरामक्स यतिबेला विवादित बनेको छ ।

यस विषयमा बिहीबार प्रतिनिधिसभा अन्तर्गतको सार्वजनिक लेखा समितिको बैठकमा बोल्दै प्राधिकरणका अध्यक्ष खनालले टेलिकम कम्पनीले गर्ने बदमासी रोक्न टेरामक्स ल्याउन लागेको बताएका हुन् ।

उनले टेरामक्सले व्यक्तिगत डेटा नराख्ने भएकाले फोन ट्याप (रेकर्ड) नगर्ने दाबी गरेका छन् ।

उनले भने, “टेरामक्स कस्टुम डिजाइनको लागि नियमन निकायलाई नियमन गर्नको लागि के–के आवश्यक पर्छ त्यो मात्रै बनाउनको लागि आएको हो । विशेषगरी कल ट्यापिङ छ की भन्ने हिसाबका कुरा भइरहेका छन् । विश्वका कुनै पनि दूरसञ्चार कम्पनीहरूले सबै कल ट्यापिङ गर्न सक्दैन । टेरामक्सले फोन ट्यापिङ गर्दैन । यसमा एसएमएस रिड पनि गर्दैनौँ । यसमा एसएमएस रिड पनि गर्दैनौँ ।”

प्राधिकरणले टेलिकम कम्पनीले व्यक्तिगत डेटाका आधारमा राज्यलाई कर तिर्ने गरेकाले कहाँ कति बदमासी भएको छ भन्ने विषय रोक्न टेरामक्स आवश्यक परेको उनको भनाइ छ ।

उनले अघि भने, “अझ सुरक्षित गराउनको लागि प्राधिकरणलाई जेजति डाटा चाहिन्छ त्यो मात्रै राख्छ । टेरामक्सले कहाँबाट कल आएको हो र त्यसको कलको शुल्कदर कति थियो । नेपालमा आउँदा कति मोनिटरिङ भयो । त्यति मात्रै हामीलाई चाहिने हो ।”

मलेसिया, भारत, पाकिस्तान, चीन, बंगलादेश, इन्डोनेसिया, सिंगापुर, अमेरिका र बेलायत लगायतले सम्पूर्ण विवतरण गर्ने भनेर गरिरहेका बताए । 

उनले आवदेन परेका कम्पनीहरूको लागत मूल्य त्यति धेरै ठूलो नभएको दाबी गरेका छन् । “२०७४/७५ मा सम्झौता गरेर त्यो बेलाको प्रविधिअनुसार गरेको टेन्डर अहिलेको विकसित प्रविधिहररू आएकाले अहिले र त्यो बेलाको मूल्यमा तुलना गरेर टेरामक्सलाई न्याय हुँदैन ।”