राजनीति
इन्द्र आङ्बोलाई मुख्यमन्त्री बनाउने गठबन्धनको निर्णय
काठमाडौं । कोसी प्रदेशको मुख्यमन्त्रीमा नेकपा (माओवादी केन्द्र) संसदीय दलका नेता इन्द्र आङ्बोलाई अघि सारिने भएको छ ।
बिहीबार बिहान बालुवाटारमा बसेको सत्ता गठबन्धनमा आबद्ध दलका नेताको बैठकमा आङ्बोलाई मुख्यमन्त्री बनाउने निर्णय गरिएको नेकपा (एकीकृत समाजवादी)का उपाध्यक्ष राजेन्द्र पाण्डेले जानकारी दिए ।
उनका अनुसार सम्भव भए आङ्बोले आजै मुख्यमन्त्रीमा दाबी पेस गर्नेछन् ।
कोसीमा संविधानको धारा १६८ को उपधारा ५ अनुसार सरकारको नेतृत्वमा दाबी गर्न शुक्रबार (भोलि)सम्मको समय दिइएको छ ।
राष्ट्रिय प्रजातन्त्र पार्टी (राप्रपा)को पनि साथ पाउने सम्भावना भएकाले आङ्बोलाई उमेदवार बनाउन आफूहरू सहमत भएको नेपाली कांग्रेसका एक नेताले बताए ।
प्रकाशित मिति: बिहीबार, असोज २५, २०८० १४:२९
प्रतिक्रिया दिनुहोस्
सम्बन्धित समाचार
सिफारिस
सम्पादकीय
कार्टुन
भिडियो
विचार
अन्तर्वार्ता
ब्लग
प्रवास
