site stats
बाह्रखरी :: Baahrakhari
विदेश
Nabil BankNabil Bank
यी देशले गरिरहेका छन् हमासलाई समर्थन, इजरायलका पक्षमा कति ?
हमास नियन्त्रित गाजा क्षेत्रको दृश्य ।
Sarbottam CementSarbottam Cement

काठमाडौं । इजरायलमा प्यालेस्टाइनी लडाकु समूह हमासले आक्रमण गरेपछि शनिबारदेखि जारी द्वन्द्वमा १६ सयभन्दा बढी मानिसको मृत्यु भइसकेको छ । ज्यान गुमाउनेमा ९०० भन्दा बढी इजरायली नागरिक छन् । हमास नियन्त्रित गाजातर्फका ६०० भन्दा बढी मानिसको मृत्यु भएको छ ।

आक्रमणमा परी त्यहाँ नेपालसहित १० भन्दा बढी देशका नागरिकको पनि मृत्यु भएको छ । विभिन्न देशका नागरिक समेत घाइते र बेपत्ता छन् ।

इजरायलका सैन्य प्रवक्ता रिचर्ड हेचले गाजा आसपासका क्षेत्रमा एक हजार ५०० भन्दा बढी हमास लडाकुको शव फेला परेको बताएका छन् ।

Prabhu Bank
Agni Group
NIC Asia

इजरायलले आफू युद्धमा रहेको घोषणा गरिसकेको छ । अहिले सुरुआती प्रत्याक्रमण मात्र गरिएको इजरायली नेतृत्वको भनाइ छ । जवाफी प्रतिक्रियामा हमासले अपहरित सयौँ इजरायलीलाई आफ्ना नागरिक छुटाउनका निम्ति प्रयोग गर्ने जनाएको छ ।

लेबनानको राजधानी बेरुतमा निर्वासित जीवन बिताइरहेका हमासका नेता अली बाराकेहले आफूहरू लामो समयको युद्धका निम्ति तयार रहेको समाचार एजेन्सी एपीसित बताएका छन् । आफूहरूसँग पर्याप्त हतियार रहेको उनको भनाइ छ ।

Global Ime bank

Gaza2-1696931335.jpg

जारी द्वन्द्वका विषयमा विभिन्न देश इजरायलको पक्षमा छन् । केही देशले हमासलाई समर्थन गरिरहेका छन् ।

कुन देश कसको समर्थनमा ?
इजरायलको विदेश मन्त्रालयले ८४ भन्दा बढी देशले आफ्नो समर्थनमा वक्तव्य जारी गरेको जनाएको छ । इरान, कतार र लेबनानलगायत केही देशले हमासलाई समर्थन गरिरहेका छन् ।

इजरायलको पक्षमा
भारत, अमेरिका, बेलायत, अस्ट्रेलिया, फ्रान्स, नर्वे, अस्ट्रिया, जर्मनी, क्यानडा, पोल्यान्डलगायत देश इजरायलको पक्षमा छन् । नेपालले पनि इजरायलको पक्षमा समर्थन व्यक्त गरेको छ ।

भारतीय प्रधनमन्त्री नरेन्द्र मोदी, अमेरिकी राष्ट्रपति जो बाइडेन, बेलायतका प्रधानमन्त्री ऋषि सुनक, फ्रान्सका राष्ट्रपति इम्यानुएल म्याक्रोनलगायत नेताहरूले ट्विट गर्दै इजरायलप्रति समर्थन व्यक्त गरेका छन् ।

अमेरिकाले भूमध्यसागरमा इजरायलनजिक युद्धपोत र लडाकु विमान लैजाने जनाएको छ । त्यसले इजरायललाई हतियार र गोलाबारुद उपलब्ध गराउने बताइएको छ । इजरायली अधिकारीले चीनलाई समेत आफ्नो पक्षमा समर्थनका निम्ति आग्रह गरेका छन् ।

हमासका समर्थक
हमासका पक्षमा विशेष गरी मध्यपूर्वका राष्ट्रहरू छन् । इरान, कतार, यमन, साउदी अरेबिया, दक्षिण अफ्रिका र लेबनानले हमासलाई समर्थन गरेका छन् ।

इरानका राष्ट्रपति इब्राहिम राईसीले इजरायलमा हमासको आक्रमणको प्रशंसा गरेका बताइएको छ । इरानले हमासलाई सैन्य र आर्थिक सहायता समेत उपलब्ध गराइरहेको छ ।

कतारले जारी द्वन्द्वका निम्ति इजरायल जिम्मेवार रहेको टिप्पणी गरेको छ । लेबनानले हमाससँग ऐक्यबद्धता व्यक्त गरेको छ ।

NIBLNIBL
प्रकाशित मिति: मंगलबार, असोज २३, २०८०  १५:३३
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement