काठमाडौं । साताको दोस्रो कारोबार दिन सोमबार सेयर बजार मापक नेप्से परिसूचक घटेको छ । नेप्से १२.५८ अंकले घटेर १९०८.६६ को विन्दुमा झरेको छ । कारोबार रकम पनि घटेको छ ।

यस दिन २८७ धितोपत्रका ४३ लाख २७ हजार १७९ कित्ता सेयर एक अर्ब १७ करोड एक लाख ७२ हजार ७२२ रुपैयाँमा किनबेच भएको छ । आइतबार २८९ धितोपत्रका ५८ लाख १५ हजार १८९ कित्ता सेयर एक अर्ब ८० करोड १७ लाख ६६ हजार २९४ रुपैयाँमा किनबेच भएको थियो ।

सोमबार सेन्सेटिभ इन्डेक्स पनि ०.७७ प्रतिशतले घटेर ३६४.७४ को विन्दु कायम भएको छ ।

१३ उपसमूहमध्ये दुईको समूहगत सूचक उकालो लागेको छ । उत्पादन तथा प्रशोधन र व्यापर उपसमूहको समूहगत सूचक बढेको छ । ११ उपसमूहको समूहगत सूचक घटेको छ ।

सयपत्री हाइड्रोपावर लिमिटेडको सेयर मूल्य सर्वाधिक ६.८८ प्रतिशतले बढेर प्रतिकित्ता ५१३ रुपैयाँ कायम भएको छ । बाराही हाइड्रोपावर पब्लिक लिमिटेडको सेयर मूल्य सर्वाधिक १० प्रतिशतले घटेर नकारात्मक सर्किट लागेको छ ।