काठमाडौं । सत्ताको नेतृत्व गरिरहेको दल नेकपा (माओवादी केन्द्र)का सांसद माधव सापकोटाले रिगल ‘डन’जस्ता अपराधीको कैद मिनाहा गर्ने सरकारको निर्णय फिर्ता लिनुपर्ने बताएका छन् ।

बिहीबार प्रतिनिधिसभा बैठकबाट बाहिरिने क्रममा सञ्चारकर्मीसँग उनले गम्भीर फौजदारी अपराधमा सजाय भोगिरहेका रिगलजस्ता व्यक्तिको कैद माफी फिर्ता लिन उपयुक्त हुने बताएका हुन् ।

चौतर्फी विरोध र जनताको आक्रोश मात्र होइन, सदनमा पनि कुरा उठाइएकाले सरकार यसमा गम्भीर हुनुपर्नेमा उनले जोड दिए ।

“संसद्मा पनि कुरा उठ्यो । जनस्तरबाट पनि विरोध भएको छ,” उनले भने, “सरकारले निर्णय फिर्ता लिनु उपयुक्त देखिन्छ ।”