पोखरा । पोखरामा २९२ पथप्रदर्शक थपिएका छन् । ट्रेकिङ एजेन्सिज एसोसिएसन अफ नेपाल (टान) गण्डकी प्रदेशको आयोजना एवं नेपाल एकेडेमी अफ टुरिज्म एन्ड होटेल म्यानेजमेन्ट (नाथम)को प्राविधिक सहकार्यमा गरिएको ६ हप्ते तालिमबाट पथप्रदर्शक थपिएका हुन् ।

परीक्षा उत्तीर्ण गरी २९२ जनाले प्रमाणपत्र प्राप्त गरेको टान गण्डकीका अध्यक्ष धर्मराज पन्थीले जानकारी दिए । सन् १९९८ देखि टान गण्डकीले विभिन्न समयमा गरी करिब एक हजार ९०० जनालाई तालिम प्रदान गरिसकेको उनले बताए ।

पोखरा आसपासका क्षेत्रमा विश्वकै १० उत्कृष्टमध्येको अन्नपूर्ण चक्रीय पदमार्ग, अन्नपूर्ण आधारशिविर, मर्दी हिमाल, धवलागिरि चक्रीय पदमार्ग, सहस्राब्दी (मिलेनियम), पुनहिललगायतमा पछिल्लो समयमा पदयात्रा पर्यटनतर्फ आकर्षण बढेको छ । रासस