काठमाडौं । प्रहरीले अस्ट्रेलिया पठाउने आश्वासन दिएर रकम ठगी गरेको आरोपमा एकजना कन्सलटेन्सी सञ्चालकलाई पक्राउ गरेको छ । पक्राउ पर्नेमा अर्घाखाँची भूमिकास्थान नगरपालिका–८ का ४५ वर्षीय विष्णु केसी रहेका छन् ।

उनी भक्तपुरको सूर्यविनायक नगरपालिका–९ सृजनानगरमा बस्दै आएका थिए । उनी काठमाडौंको शंखमूलस्थित फ्लाइङ ट्याप एजुकेसन एन्ड इमिग्रेसन कन्सल्टेन्टका सञ्चालक हुन्  ।

प्रहरीका अनुसार केसीले पवनराज दाहाललाई वैदेशिक रोजगारीका लागि वर्किङ भिसामा १६ लाख रुपैयाँ लागतमा अस्ट्रेलिया पठाउने आश्वासन दिएका थिए । मासिक दुई लाखभन्दा बढी कमाइ हुने आश्वासन दिएर उनले पटकपटक गरी १७ लाख ७९ हजार रुपैयाँ लिएर ‘अस्ट्रेलियाको भिसा’ पनि दिएका थिए ।

तर, रोजगारीका लागि दाहाल अस्ट्रेलिया जान विमानस्थलमा पुगेपछि अध्यागमन कार्यालयले नक्कली भिसा भनेर फर्काइदिएको थियो । त्यसपछि दाहालले आफू ठगिएको थाहा पाएका थिए । त्यसपछि उनले केसीलाई फोन गरे । तर, उनी फोन नउठाएर सम्पर्क विीन भको प्रहरीले जनाएको छ ।

उजुरी परेपछि खटिएको टोलीले सोमबार लाजिमपाटबाट पक्राउ गरेको हो ।