काठमाडौं । भारतको शान्ति निकेतन युनेस्कोको विश्व सम्पदा सूचीमा सूचीकृत भएको छ । 

नोबेल पुरस्कार विजेता रवीन्द्रनाथ टागोरले एक शताब्दीभन्दा पहिला केन्द्रीय विश्व विद्यालय भारतीको निर्माण गरेका थिए । 

विश्व संस्थाले आइतबार यसको घोषणा गरेको हो । यो निर्णय अहिले साउदी अरबमा चलिरहेको विश्व धरोहर समितिको ४५औँ सत्रका क्रममा लिइएको हो ।

शान्ति निकेतनको स्थापना १९०१ मा टागोरका पिता महर्षी देवेन्द्रनाथ टागोरले पश्चिम बंगालको वीरभूम जिल्लामा गरेका थिए ।