काठमाडौं । सरकारले आयातमा कडाइ गरेपछि विदेशी विनिमय सञ्चिति बढ्दै गएको छ । 

यसरी चालु आर्थिक वर्ष २०८०/८१ को साउनसम्म विदेशी विनिमय सञ्चिति हालसम्मकै उच्च कायम भएको हो ।

नेपाल राष्ट्र बैंकले आइतबार सार्वजनिक गरेको ‘देशको वर्तमान आर्थिक तथा वित्तीय स्थिति’ प्रतिवेदनअनुसार साउन मसान्तसम्म कुल विदेशी विनिमय सञ्चिति १५ खर्ब ७३ अर्ब १२ करोड रुपैयाँ पुगेको छ ।

गत असार मसान्तसम्मको तुलनामा कुल विदेशी विनिमय सञ्चिति २.२ प्रतिशतले वृद्धि भएको हो । गत असार मसान्तसम्म १५ खर्ब ३९ अर्ब ३६ करोड रूपैयाँ थियो ।