काठमाडौं । अमेरिकी डलरसहित धादिङबाट एकजना पक्राउ परेका छन् । पक्राउ पर्नेमा सिन्धुपाल्चोकको बाह्रबिसे नगरपालिका–३ का ३८ वर्षीय सोमबहादुर योञ्जन छन् ।

आइतबार साँझ करिब साढे ६ बजे थाक्रे गाउँपालिका–१, अमलेफाँटबाट उनलाई नियन्त्रणमा लिइएको वाग्मती प्रदेश प्रहरी कार्यालयले जनाएको छ ।

प्रहरीका अनुसार योञ्जन सो स्थानमा पैदल हिँडिरहेका थिए । शंका लागी चेकजाँच गर्दा उनको साथबाट अमेरिकी डलर तीन हजार ३०८ बरामद गरिएको थियो । उनीविरुद्ध थप अनुसन्धान गरिरहेको प्रहरीले जनाएको छ ।