काठमाडाैं । प्रेस युनियनका अध्यक्ष शिव लम्सालले बीपी साहित्य महोत्सवको तयारी समितिमा बस्न असहमति जनाएका छन् । आज एक विज्ञप्ति जारी गर्दै उनले प्रेस युनियनसँग सल्लाह नै नगरी तयारी समितिमा आफ्नो नाम राखिएकोमा असहमति रहेको बताएका हुन् ।

"महोत्सव सम्पन्न गर्ने सन्दर्भमा नेपाली कांग्रेस केन्द्रीय समितिले गठन गरेको महोत्सव तयारी समितिप्रति नेपाल प्रेस युनियनको गम्भीर ध्यानाकर्षण भएको छ । महोत्सव सम्पन्न गर्न दोस्रो चरणमा समिति विस्तार गर्दा सरसल्लाह नै नगरी म प्रेस युनियनको अध्यक्ष शिव लम्सालको समेत नाम राखेर प्रकाशन गरिएको विज्ञप्ति प्रति मेरो असहमति छ । उक्त समितिको सदस्यमा म शिव लम्साल नरहेको जानकारी यसै विज्ञप्ति मार्फत गराउँछु," लम्सालले भनेका छन् ।

पार्टीका संस्थापक बीपी कोइरालाको जन्मजयन्तीको अवसरमा कांग्रेसले भदौ २४ देखि २५ गतेसम्म साहित्य महोत्सवको आयोजना गरेको छ ।