काठमाडौं । एसिया कप–२०२३ मा भारतविरुद्ध ब्याटिङ गरिरहेको नेपालले २०० रन पूरा गरेको छ ।

श्रीलंकाको क्यान्डीस्थित पालेकेले रंगशालामा जारी खेलमा टस हारेपछि ब्याटिङमा आएको नेपालले ४३.३ ओभरमा सात विकेट गुमाएर २०० रन पूरा गरेको हो ।

नेपालबाट क्रिजमा रहेका सोमपाल कामी २८ रनमा र सन्दीप लामिछाने चार रन खेलिरहेका छन् । जारी खेलको ४४ ओभर समाप्त हुँदा नेपालले सात विकेट गुमाएर २०२ रन बनाएको छ ।

एसिया कपमा यसै संस्करणबाट ‘डेब्यू’ गरेको नेपाली टिमले सन् १९८३ र २०११ को विश्वकप विजेतासमेत रहेको भारतविरुद्ध पहिलोपटक एकदिवसीय अन्तर्राष्ट्रिय मान्यताप्राप्त क्रिकेटमा प्रतिस्पर्धाका लागि उत्रिएको हो ।

आजको खेल जिते नेपाली क्रिकेटले नयाँ इतिहास रच्दै एसिया कपको ‘सुपर फोर’मा स्थान बनाउनेछ । सुपर फोरमा प्रवेशका लागि भारतमाथि आज जित्नै पर्ने दबाब छ ।

प्रतियोगितामा दुवै टिमको यो दोस्रो खेल हो । पहिलो खेलमा नेपाल पाकिस्तानसँग २३८ रनले पराजित भएको थियो । भारत–पाकिस्तानबीचको पहिलो खेल भने वर्षाका कारण रद्द भएको थियो ।