काठमाडौं । नुवाकोटको विदुर नगरपालिका–१०, बेत्रावतीमा टिपरको टायरले च्यापिएर एकजनाको मृत्यु भएको छ ।

मृत्यु हुनेमा रसुवाको उत्तरगया गाउँपालिका–१, गोगनी घर भइ हाल बेत्रावतीमा डेरा गरी बस्ने ३७ वर्षीय कामी तामाङ रहेका छन् ।

उत्तरगया हार्वयरको डिपोमा बा ४ ख ४३४२ नम्बरको टिपरले शनिबार बालुवा लोड गर्दा ब्याग गर्ने क्रममा पछाडिको टायरले च्यापिएर गम्भीर घाइते भएका थिए ।

गम्भीर घाइते भएका उनलाई उपचारका लागि जिल्ला अस्पताल नुवाकोट पठाइएकोमा उपचारको क्रममा मृत्यु भएको जिल्ला प्रहरी कार्यालय नुवाकोटले जनाएको छ ।

टिफर र चालक प्रहरी नियन्त्रणमा रहेको छ ।