काठमाडौं । जुड बेलिंघमको निर्णायक गोलप्रेरित रियाल मड्रिडले स्पेनिस ला लिगामा गेटाफेविरुद्ध २–१ को पुनरागमन जित निकालेको छ ।

घरेलु मैदान सान्टियागो बर्नबेउमा बोर्जा मायोरलले गोल गर्दै पाहुना टिम गेटाफेलाई अग्रताम राखेपछि रियाल दबाबमा आएको थियो । ११औँ मिनेटमा मायोरलले गरेको गोलबाट गेटाफेले पहिलो हाफसम्म १–० को अग्रता बनाएको थियो ।

तर, ४७औँ मिनेटमा जोसेलुले गोल गर्दै घरेलु टिमलाई खेलमा फर्काएपछि रियाल अझ आक्रामक बनेको थियो ।

यस्तै, इन्जुरी समयमा बेलिंघमले गरेको गोल निर्णायक गोल गरेपछि रियालले महत्वपूर्ण तीन अंक निश्चित गर्‍यो । यसै सिजन बोरुसिया डर्टमन्डबाट रियालमा आएका बेलिंघमले चार खेलमा पाँच गोल गरेका छन् ।

जारी सिजन ला लिगामा अपराजित रियाल चार खेलबाट १२ अंकसहित तालिकाको शीर्ष स्थानमा छ ।

रियाल दोस्रो स्थानको एट्लेटिको मड्रिडभन्दा पाँच अंकले अघि छ । तर, एट्लेटिको मड्रिडले रियालको भन्दा एक खेल कम खेलेको छ ।

चार खेलबाट चार अंक जोडेको गेटाफे भने तालिकाको १४औँ स्थानमा छ । जारी सिजन ला लिगामा गेटाफेको यो दोस्रो हार हो ।