काठमाडौं । नेपाली राष्ट्रिय महिला फुटबल टिमकी सावित्रा भण्डारीले इजरायलमा डेब्यू गोल गरेकी छन् । इजरायलको अथेना लिगमा सावित्राले होपाइल रानानबाट गोल गरेकी हुन् । 

उनले हाडेरा ट्यालेन्ट्स विरुद्धको खेलमा एक गोल गरेकी हुन् । जसमा हापोएल रानाना २–० ले विजयी भयो।

सावित्रा इजरायलमा खेल्ने पहिलो नेपाली महिला खेलाडी हुन् । सशस्त्र प्रहरी बलको एपीएफ क्लबबाट घरेलु लिग खेल्ने सावित्राले भारतको आई लिग र इन्डियन वुमन्स लिगसमेत खेलिसकेकी छन् ।

गएको सिजन गोलकुल केरलाले इन्डियन वुमन्स लिगको उपाधि जित्दा २९ गोलसहित सावित्रा प्रतियोगिताकै उच्च गोलकर्तासमेत बनेकी थिइन् ।