काठमाडौं । आर्थिक मन्दीको प्रभाव बिमा व्यवसायमा पनि देखिएको छ । पछिल्लो समय बिमितले आफ्नो बिमा पोलेसी बीचमै छुटाउने गरेका छन् ।

नेपाल बिमा प्राधिकरणले सोमबार सार्वजनिक गरेको तथ्यांकअनुसार गत आर्थिक वर्ष २०७९/०८० को अन्त्यसम्म १४ अर्ब २७ करोड ५४ लाख रुपैयाँको बिमा पोरेसी त्याग (सरेण्डर) गरेका छन् । १५ जीवन बिमा कम्पनीमा एक लाख चार हजार ५०६ पोलेसी त्याक गरेका हुन् ।

अघिल्लो वर्षको तुलनामा बिमा बीचमै त्याग १७.२० प्रतिशतले बढेको छ । अघिल्लो वर्षमा १२ अर्ब १८ करोड आठ लाख रुपैयाँको बिमा पोलेसी बीचमै त्यागेका थिए ।

सबैभन्दा बढी रकमको बिमा पोलेसी त्याग गर्नेमा आइएमई लाइफ इन्स्योरेन्सका बिमित रहेका छन् । यो कम्पनीका बिमितले १० करोड २७ लाख रुपैयाँको एक हजार ७१ बिमा पोलेसी बीचमा नै त्याग गरेका छन् । त्यसैगरी सिटिजन्स लाइफ इन्स्योरेन्सका बिमितले ११ करोड ८४ लाख रुपैयाँ बराबरको एक हजार २९५ बिमा पोलेसी बीचमा नै त्यागेका हुन् ।

नेपाल लाइफ, सानिमा रिलायन्स, एसियन लाइफ र साविकको महालक्ष्मी लाइफ इन्स्योरेन्सका बिमा पोलेसी बीचमा नै त्याग गर्ने बिमितको रकम भने घटेको छ ।

महालक्ष्मी लाइफ इन्स्योरेन्सका बिमितले भने यो वर्ष कम बिमा पोलेसी कम त्यागेका छन् । यो कम्पनीका विमितिले तीन करोड ५७ लाख ३१२ बिमा पोलेसी त्याग गरेका छन् ।

प्राधिकरणले नियमिन तीन वर्षसम्म बिमा शुल्क तिरेका बिमितले रकम अभावमा बिमा पोलेसी बीचमा नै त्याग्न पाउने व्यवस्था गरेको छ । सोहीअनुसार बिमा शुल्क तिर्न नसक्नेले तीन वर्षपछि बिमा पोलेसी त्याग्दै आएका छन् ।