site stats
बाह्रखरी :: Baahrakhari
खेल
Global Ime bankGlobal Ime bank
फिफा महिला विश्वकपमा मोरोक्कोको ऐतिहासिक जित

काठमाडौं । फिफा महिला विश्वकपमा मोरोक्को दक्षिण कोरियाविरुद्ध १–० को ऐतिहासिक जित निकालेको छ ।

आइतबार समूह ‘एच’अन्तर्गत अस्ट्रेलियाको हिन्डमार्स रंगशालामा भएको खेलमा मोरोक्कोलाई जित दिलाउन इबाटिसाम जराइदीले निर्णायक गोल गरिन् । फिफा महिला विश्वकपको इतिहासमा मोरोक्कोले निकालेको यो पहिलो जित हो ।

जितसँगै दुई खेलबाट तीन अंक जोडेको मोरोक्को तालिकाको तेस्रो स्थानमा उक्लिएको छ । मोरोक्कोले प्रतियोगिताको अन्तिम–१६ मा पुग्ने सम्भावनालाई कायम राखेको छ । मोरोक्को यसअघि पहिलो खेलमा भने इंग्ल्यान्डसँग ६–० ले पराजित भएको थियो ।

मोरोक्कोसँगको हारले फिफा वरीयताको १७औं स्थानमा रहेको दक्षिण कोरिया भने विश्वकपको समूह चरणबाटै बाहिरिएको छ । तालिकाको पुछारमा रहेको दक्षिण कोरियाले दुई खेल खेल्दा पनि अंक जोड्न सकेको छैन ।

दक्षिण कोरिया यसअघि पहिलो खेलमा कोलम्बियासँग २–० ले पराजित भएको थियो । अब दक्षिण कोरियाले अन्तिम खेलमा जर्मनीसँग बिहीबार खेल्नेछ ।

सोही दिन मोरोक्कोले पनि कोलम्बियासँग समूह चरणको आफ्नो अन्तिम खेल खेल्नेछ । समूह ‘एच’को शीर्ष स्थानमा जर्मनी र कोलम्बिया छन् ।

प्रकाशित मिति: आइतबार, साउन १४, २०८०  १५:१६
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro