कोसीमा ७ दिनभित्र मुख्यमन्त्री नियुक्त गर्न सर्वोच्चको आदेश

राजनीति

कोसीमा ७ दिनभित्र मुख्यमन्त्री नियुक्त गर्न सर्वोच्चको आदेश

बिहीबार, साउन ११, २०८०

कोसीमा ७ दिनभित्र मुख्यमन्त्री नियुक्त गर्न सर्वोच्चको आदेश

काठमाडौं । सर्वोच्च अदालतले कोसी सरकामा सात दिनभित्र नयाँ सरकार गठनको प्रक्रिया बढाउन आदेश दिएको छ ।

नेपालको संविधानको धारा १६८ को उपधारा (२) बमोजिम अर्को सरकार गठन गर्ने विकल्प रहेसम्म सो विकल्प अपनाउनु वाञ्छनीय देखिएको आदेशमा भनिएको छ ।

"उक्त धारा १६८ को उपधारा (२) बमोजिम सरकार गठन गर्न मिल्ने नै अवस्था रहेको र जुन बिन्दुबाट संविधानको प्रयोग र पालनामा त्रुटि भएको हो, सोही अवस्थाबाट संविधानसम्मत् तबरले प्रकृया अगाडि बढाउनु मनासिव हुने देखिएको हुँदा आजका मितिले सात दिनभित्र (२०८०/४/१७ गतेभित्र) नेपालको संविधानको धारा १६८ को उपधारा (२) बमोजिम प्रदेश सभाको बहुमत प्राप्त गर्न सक्ने प्रदेश सभाको सदस्यलाई मुख्यमन्त्री पदमा नियुक्त गर्नु भनी प्रत्यर्थी कोसी प्रदेशका प्रदेश प्रमुख समेतको नाममा परमादेश जारी हुने ठहर्छ," आदेशमा भनिएको छ ।