काठमाडौं । नेपाली कांग्रेसको पदाधिकारी बैठकमा केन्द्रीय समिति बैठकले गर्ने निर्णयको खाकाको विषयमा छलफल भएको छ । तर, बैठकले अन्तिम टुंगो लगाउन सकेन ।

सहमहामन्त्री जीवन परियारले भोलि (बुधबार) बिहान बस्ने महामन्त्रीसहितको बैठकले केन्द्रीय बैठकको निर्णय अन्तिम निष्कर्ष निकाल्ने जानकारी दिए ।

बुधबार अपराह्न ४ बजे बस्ने बैठकमा निर्णय प्रस्तुत गरिने छ । 

पदाधिकारी बैठकमा नीति अधिवेशनको मिति, महामन्त्री गगन थापाको १३ बुँदे लिखित प्रस्ताव, सरकार र पार्टीको विषयमा गरिनुपर्ने निर्णयबारे छलफल भएको थियो । 

"यो निर्णायक बैठक होइन, खाका बनाउने कुरा हो । बाँकी भोलि बसेर टुंगो लाग्छ," परियारले भने ।

सभापति शेरबहादुर देउवा निवास धुम्बाराहीमा मंगलबार साँझ पदाधिकारीको बैठक बसेको थियो ।