site stats
बाह्रखरी :: Baahrakhari
प्रविधि
Global Ime bankGlobal Ime bank
देशभर ७५ चार्जिङ स्टेसन सञ्चालनमा, एकैपटक थप ५१ वटाको उद्घाटन हुँदै
फाइल तस्बिर ।

काठमाडौं । विश्व बजारमा झैँ नेपालमा पनि विद्युतीय गाडी (ईभी)को प्रयोग तीव्र गतिमा बढ्दै गएको छ । विद्युतीय गाडीको प्रयोग बढेसँगै गाडी चार्ज गर्ने अत्यावश्यक पूर्वाधार चार्जिङ स्टेसन निमार्णको गति पनि बढ्दै गएको छ ।

कतिपय ईभी प्रयोगकर्ताले चार्जिङ स्टेसन पर्याप्त नभएको गुनासो गर्ने गरेका छन् । तर, अब विस्तारै यो समस्या कम हुँदै जाने देखिएको छ ।

पछिल्लो समय देशभर चार्जिङ स्टेसनको निमार्ण बढ्दै गएको छ । नेपाल विद्युत प्राधिकरण आफैँले पनि पूर्व झापादेखि पश्चिम कञ्चनपुरसम्म विभिन्न ठाउँमा चार्जिङ स्टेसन बनाएको छ ।

हाल विद्युतीय सवारी उत्पादन एवं बिक्री गर्दै आएका टाटा, हुन्डाई र बीवाईडी जस्ता कम्पनीले देशभर ७५ वटा चार्जिङ स्टेसन सञ्चालन गरेका छन् ।

नेपाल विद्युत प्राधिकरणका आयोजना प्रबन्धक (प्राजेक्ट म्यानेजर) इन्जिनियर सागरमणि ज्ञवालीले निजी कम्पनीहरूले बनाएका ७५ वटा चार्जिङ स्टेसन सञ्चालनमा रहेको बताए ।

उनका अनुसार प्राधिकरण आफैँले निमार्ण गरेका थप ५१ वटा चार्जिङ स्टेसन यही साउन १० गते उद्घाटन गर्ने तयारी छ । 

“जुलाई २६ मा ५१ वटा चार्जिङ स्टेसन उद्घाटन गर्दै छौँ । यी चार्जर मुख्य राजमार्गहरूको ६० किलोमिटर आसपासमा रहेका छन्,” बाह्रखरीसँग उनले भने, “भित्री सडकहरू र पहाड जोड्ने सडकमा पनि चाँडै चार्जिङ स्टेसन थप्दै छौँ ।”

हाल सञ्चालनमा रहेका चार्जिङ स्टेसन १०, २० र बढीमा ३० किलोवाट क्षमताका हुन् । तर, विद्युत प्राधिकरणले निमार्ण गरेका चार्जिङ स्टेसन भने १४२ किलोवाट क्षमताका भएको उनले बताए । उनका अनुसार यी चार्जिङ स्टेसनबाट एकैपटक तीन वटा गाडी चार्ज गर्न मिल्छ ।

गाडी चार्ज गर्न लाग्ने समय गाडीमा रहेको ब्याट्री र गाडीले कति पावर रिसिभ गर्छ भन्नेमा भर पर्ने प्राधिकरणका प्रबन्धक ज्ञवालीको भनाइ छ ।  धेरै जसो गाडीहरू फास्ट चार्जरबाट एक घण्टामा ८० प्रतिशत भन्दा बढी चार्ज हुन्छन् ।

यस्तै, हाल ७० वटा चार्जिङ स्टेसन बनाउनका लागि निवेदनहरू आएको प्राधिकरणले जनाएको छ । निवेदन दिएका कम्पनीहरूले विभिन्न ठाउँमा नयाँ चार्जिङ स्टेसन बनाउन थालेको विद्युत प्राधिकरणको भनाइ छ ।

यसले विद्युतीय गाडीको प्रयोग बढेसँगै देशभर चार्जिङ स्टेसनको नेटवर्क समेत तीव्र रूपमा विस्तार हुन थालेको संकेत गरेको छ ।

प्रकाशित मिति: मंगलबार, साउन २, २०८०  १९:०१
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro