site stats
बाह्रखरी :: Baahrakhari
खेल
Global Ime bankGlobal Ime bank
अफगानिस्तानविरुद्धको अन्तिम खेलमा बंगलादेशको सान्त्वना जित

काठमाडौं । अफगानिस्तानविरुद्धको एकदिवसीय शृंखलाको अन्तिम खेलमा घरेलु टिम बंगलादेशले सान्त्वना जित निकालेको छ ।

तीन खेलका लागि बंगलादेश भ्रमणमा रहेको अफगानिस्तानले यसअघिका लगातार दुई खेल जित्दै शृंखला जितेको थियो ।

मंगलबार चटोग्राममा सम्पन्न खेलमा बंगलादेशले अफगानिस्तानविरुद्ध सात विकेटको सहज जित निकाल्यो । अफगानिस्तानले प्रस्तुत गरेको १२७ रनको सामान्य लक्ष्य बंगलादेशले २३.३ ओभरमा तीन विकेट गुमाएर भेट्टायो ।

बंगलादेशको जितमा कप्तान लिटोन दासले अविजित ५३ रन बनाए । दासले ६० बलमा तीन चौका र दुई छक्का प्रहार गरे । साकिब अल हसनले ३९ रन थपे । तोहिद ह्रदोयले २२ र नज्मुल हुसैन सान्तोले ११ रन बनाए । बंगलादेशका ओपनर मोहम्मद नैम भने डक भएका थिए ।

अफगानिस्तानका फजलहक फारुकीले दुई र मोहम्मद नाबीले एक विकेट लिए ।

त्यसअघि टस जितेर ब्याटिङमा आएको अफगानिस्तानले ४५.२ ओभरमा सबै विकेट गुमाएर १२६ रनको योगफल खडा गरेको थियो ।

अफगानिस्तानका अज्मतुल्लाह ओमरजाईले ५६ रन बनाए । कप्तान हस्मतुल्लाह साहिदीले २२, मुजिब उर रहमानले ११ र नजिबुल्लाह जद्रानले १० रन जोडे ।

अफगानिस्तानलाई सस्तैमा समेट्न बंगलादेशका सोरिफुल इस्लामले चार विकेट लिए । नौ ओभर बलिङ गरेका इस्लामले एक मेडन राख्दै २१ रन खर्चिए ।

ताक्सिन अहमेद र ताइजुल इस्लामले समान दुई विकेट लिए । मेह्दी हसन र साकिब अल हसनले एक–एक विकेट लिए ।

हारका बावजुद अफगानिस्तानले शृंखला २–१ ले जितेको छ । अब यी दुई टिमबीच दुई खेलको ट्वान्टी–२० शृंखला हुनेछ । यी दुई टिमबीचको पहिलो खेल शुक्रबार हुनेछ ।

प्रकाशित मिति: मंगलबार, असार २६, २०८०  २०:४०
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro