काठमाडौं । एसयूभी सेग्मेन्टको अग्रणी दाबी गर्ने महिन्द्राले नेपाली बजारमा नयाँ गाडी ‘स्कर्पियो–एन’ सार्वजनिक गरेको छ । 

भारत, दक्षिण अफ्रिका र अष्ट्रेलियामा स्कर्पियो–एनले पाएको व्यापक सफलतापछि नेपाली बजारमा गाडी सार्वजनिक गरिएको कम्पनीले जनाएको छ ।

महिन्द्राको स्कर्पियो–एनले ग्लोबल न्यू कार एसेसमेन्ट प्रोग्रामको नयाँ क्र्यास टेस्ट प्रोटोकलमा पाँच स्टार रेटिङ सुरक्षित गरेको छ ।

विगत ३० वर्षदेखि नेपालमा बलियो उपस्थिति राखेको स्कर्पियो–एन नेपालमा महिन्द्राको पछिल्लो एसयूभी लाइनअप हो । अल–न्यू स्कर्पियो–एन सार्वजनिक गरेसँगै कम्पनीले काठमाडौं, इटहरी र धनगढीमा एसयूभी नेटवर्क विस्तार गरेको जनाएको छ ।

भारतीय बजारमा स्कर्पियो–एनले ३० मिनेटभन्दा कम समयमा एक लाख बुकिङ पाएर चर्चा कमाएको छ । महिन्द्रा एण्ड महिन्द्रा लिमिटेडका अटोमोटिभ सेक्टरका अन्तर्राष्ट्रिय अपरेसन प्रमुख सचिन अरोलकरले बहुप्रतीक्षित अल–न्यू स्कर्पियो–एनलाई नेपालको जीवन्त बजारमा ल्याउन पाएको खुसी व्यक्त गरेका छन् ।

नेपालका लागि महिन्द्राको बिक्री वितरक अग्नि ग्रुपका प्रबन्ध निर्देशक क्याबिनेट श्रेष्ठले नेपालका अत्याधुनिक एसयूभी प्रेमीहरूका लागि नयाँ स्कर्पियो–एन प्रस्तुत गर्न पाएको खुसी व्यक्त गरेका छन् । उनले स्कर्पियो–एन साहसिक कार्यको लागि इन्जिनियरिङ गरिएको र संसारभरको सबैभन्दा चुनौतीपूर्ण भू–भागमा परीक्षण गरिएको बताए ।

कस्तो छ मूल्य
नयाँ स्कर्पियो–एनमा आकर्षक तीन वर्ष वा एक लाख किलोमिटर सम्मको वारेन्टी प्लान रहेको छ ।

स्कर्पियो–एनको सुरुआती भेरियन्ट स्कर्पियो–एन डिजेल जेड४ २डब्ल्यूडी एमटी ७एसटीआरको मूल्य ८१ लाख ५० हजार रुपैयाँ रहेको छ ।

स्कर्पियो–एन डिजेल जेड४ ४डब्ल्यूडी एमटी ७एसटीआरको मूल्य ९० लाख रुपैयाँ रहेको छ ।

स्कर्पियो–एन डिजेल जेड८ ४डब्ल्यूडी एमटी ७एसटीआरको मूल्य एक करोड १४ लाख रुपैयाँ रहेको छ । यस्तै,स्कर्पियो–एन डिजेल जेड८ ४डब्ल्यूडी एटी ७एसटीआर एक करोड २४ लाख रुपैयाँ तोकिएको छ । कम्पनीले यो मूल्य ३० सेप्टेम्बरसम्म मात्रै लागु हुने जनाएको छ ।

नयाँ स्कर्पियो–एन डिप फरेस्ट, नेपोली ब्ल्याक, एभरेष्ट ह्वाइट, रेड रेज र ड्याजलिङ सिल्भर ५वटा बडी कलर अप्सनमा उपलब्ध हुनेछ ।