काठमाडौं । सरकारले वीर अस्पतालका लागि ३०० नर्सिङ जनशक्ति थप्ने प्रक्रिया तीन साताभित्र टुंग्याउने भएको छ ।

स्थायी दरबन्दीमा नर्स थप गर्ने प्रक्रिया तीन साताभित्र टुंगिने स्वास्थ्य तथा जनसंख्या मन्त्रालयका सचिव देवकुमारी गुरागाइँले बताइन् ।

बुधबार प्रतिनिधिसभाअन्तर्गतको शिक्षा, स्वास्थ्य तथा सूचना प्रविधि समितिको बैठकमा सचिव गुरागाइँले सो जनशक्तिमार्फत वीरको सर्जिकल वार्ड पूर्ण रूपमा सञ्चालनमा ल्याइने बताइन् ।

यस्तै, संघीय अस्पतालहरूमा ५०० स्वास्थ्यकर्मी थप गर्न अर्थ मन्त्रालयको सहमतिमा योजना बनाइएको पनि उनले जानकारी दिइन् ।