विराटनगर । कोसी प्रदेशसभाको बैठक आज बस्दै छ । दिउँसो १ बजेका लागि बैठक आह्वान गरिएको प्रदेशसभा सचिवालयका सचिव गोपालप्रसाद पराजुलीले जानकारी दिए ।

प्रदेश सरकारले आजको बैठकमा नीति तथा कार्यक्रम प्रस्तुत गर्ने बताइएको छ । प्रदेशसभा सचिवालयले भने सम्भावित कार्यसूची सार्वजनिक गरेको छैन ।

नेकपा (माओवादी केन्द्र)ले सरकारलाई दिएको समर्थन फिर्ता लिएसँगै नेकपा (एमाले) नेतृत्वको सरकार अल्पमतमा परिसकेको छ ।

यही जेठ २४ गते नै सदनमा नीति तथा कार्यक्रम प्रस्तुत गर्ने तयारी गरिएको थियो । तर, माओवादीले समर्थन फिर्ता लिएकाले त्यो कार्य रोकिएको थियो ।