site stats
बाह्रखरी :: Baahrakhari
राजनीति
Global Ime bankGlobal Ime bank
पहिचानवादीसँग वार्ता गर्न मन्त्रीको नेतृत्वमा बन्यो समिति

विराटनगर । पहिचानवादीसँग वार्ता गर्न कोसी प्रदेश सरकारले समिति गठन गरेको छ । मुख्यमन्त्री हिक्मत कार्कीले प्रदेशका खानेपानी सिचाई तथा उर्जामन्त्री तिलकुमार मेन्याङबोको नेतृत्वमा तीन सदस्यीय समिति गठन गरेका हुन् । समितिमा कृषि तथा भौतिक योजनामन्त्री भक्ति सिटौला र समाजिक तथा पर्यटनमन्त्री बुद्धिकुमार राजभण्डारी सदस्य छन् ।
 
प्रदेशसभाबाट गत १७ गते प्रदेश नं. १ को नाम कोसी नामकरण गरेपछि पहिचान पक्षधर त्यसको विरोधमा आन्दोलनमा छन् । चैत २५ गते विराटनगरमा भएको आन्दोलन र झडपका क्रममा एक आन्दोलनकारी लाजेहाङको मृत्यु भएपछि थप विरोध चर्किएको छ । पटकपटक भएका झडपका क्रममा सुरक्षाकर्मी र आन्दोलनकारीतर्फ थुप्रै व्यक्ति घाइते भइसकेका छन् । 

यसअघि सरकारका प्रवक्ता तथा मन्त्री भक्ति सिटौलाले वक्तब्य प्रकासित गरी पहिचानवादीलाई वार्ताका लागि आह्वान गरेका थिए । तर, समिति र कार्यजिम्मेवारी नदिइ झारा टार्नमात्र आह्वान गरेको भन्दै प्रदेशसभामा सांसदहरूले चर्को विरोध गरेपछि सरकारले मन्त्री सम्मिलित वार्ता समिति गठन गरेको हो ।

माओवादी केन्द्रले मंगलबार एमाले नेतृत्वको सरकारलाई दिएको समर्थन फिर्ता गरेसँगै एमालेका कार्की नेतृत्वको सरकार अल्पमतमा परेको छ । 
 

प्रकाशित मिति: बुधबार, जेठ २४, २०८०  १३:३२
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro